Врсничкото насилство е проблем на современото општество кој е неопходно да биде решаван на соодветен начин. Покрај тоа неопходна е советодавна едукација и грижа за менталното здравје на учениците како истото би го превенирале.
Денес во нашето училиште заврши и втората од двете работилници на тема „ Врсничко насилство – причини и последици“, реализирани од страна на м-р Атанас Иваноски, лиценциран психолог и РЕ и КБТ психотерапевт во едукација и под супервизија.
Во текот на вчерашниот ден беше реализирана работилница со учениците ид VI и VII одделение од централното и подрачното училиште во с.Виничани.
Денес се реализираше работилница со учениците од VIII и IX одделение од централното и подрачното училиште во с.Виничани.
Целта на работилниците беше учениците да се запознаат со причините или мотиваците кои насилникот ги има и кои го поттикнуваат за да го спроведува (манифестира) насилството, како и последиците ( физички, психички, социјални) кои може да ги остави врз жртвата, но и со начините на кои може да реагираат сведоци на такви ситуации.